सकारात्मक ऊर्जेसाठी लिव्हिंग रुम सजवताना लक्षात ठेवा या वास्तू टिप्स

घर बांधताना वास्तूची काळजी घेतल्यास घरातील त्रास टाळता येतो. घरात आनंदाचे वातावरण राहण्यासाठी वास्तूनुसार घराची मांडणी करणे आवश्यक ठरते. लिव्हिंग रूम हे तुमच्या घरातील सर्वात महत्वाचे क्षेत्र आहे. येथेच पाहुणे येतात आणि जेव्हा ते तुमच्या घरी येतात तेव्हा इथेच सर्वाधिक वेळ घालवतात. म्हणूनच, लिव्हिंग रूममध्ये सकारात्मक वातावरण राखणे आवश्यक आहे. संभाषण आणि सौहार्द सुलभ करणारी सकारात्मक ऊर्जा त्यात असली पाहिजे. त्यामुळे आजच्या लेखात आम्ही तुम्हाला लिव्हिंग रुमच्या सजावटीबाबत सांगणार आहोत.

फर्निचर कसं असावं
लिव्हिंग रुम साधारणपणे पूर्व, उत्तर किंवा उत्तर-पूर्व दिशेला असावी. मात्र, फर्निचर उत्तर किंवा वायव्य दिशेला तोंड करून ठेवावे. टेलिव्हिजन आणि होम थिएटरसारखे सर्व इलेक्ट्रॉनिक्स पूर्व भिंतीवर आणि खोलीच्या आग्नेय कोपऱ्यात ठेवावेत. लिव्हिंग रूम उजळ आणि चांगली प्रकाशमान असावी. दुःखी लोक, युद्ध, नुकसान किंवा रडणारे लोक यासारखी नकारात्मक ऊर्जा उत्सर्जित करणारी चित्रे किंवा फ्रेम्स दिवाणखान्यात म्हणजेच लिव्हिंग रुममध्ये टांगू नयेत.

या वास्तू टिप्स वापरून पहा
– जर तुम्ही लिव्हिंग रूम बनवत असाल तर त्यासाठी ईशान्य, पश्चिम किंवा उत्तर-पश्चिम दिशा चांगली राहील. वास्तुशास्त्रात दिवाणखान्यासाठी ते शुभ मानले गेले आहेत. लक्षात ठेवा की, दिवाणखाना इतर खोल्यांपेक्षा मोठा असावा.

– लिव्हिंग रुममध्ये फर्निचर अशा प्रकारे बसवावे की घरातील सदस्यांना तेथून जाण्यासाठी कोणत्याही प्रकारचा त्रास होणार नाही.

– बीम असल्‍याने घरातील सदस्‍यांवर वाईट परिणाम होतो,त्‍यामुळे घरातील सदस्‍यांवर याचा परिणाम होणार नाही यासाठी बीमच्‍या खाली सोफा किंवा खुर्ची ठेवू नका.

– लिव्हिंग रूममध्ये जास्तीत जास्त खिडक्या पूर्वेकडे करा. त्यामुळे बाह्य ऊर्जा घरात प्रवेश करू शकेल.

– दक्षिण आणि पश्चिम क्षेत्र काहीसे उंच ठेवा आणि त्यांना चांगले सजवा. सजावटीला चांगला लुक देण्यासाठी येथे शो-पीस लावता येतात. टीव्ही, म्युझिक सिस्टीम यांसारखी मनोरंजनाची उपकरणे या दिशेला ठेवा.

– लिव्हिंग रुममध्ये तुमच्या पूर्वजांचे फोटो आणि त्यांच्या आठवणी व्यवस्थित मांडून ठेवा. याचा सकारात्मक परिणाम पाहुणे आणि घरातील सदस्यांवर होतो.

– बसण्याची व्यवस्था अशा प्रकारे करा की जर घरातील प्रमुख व्यक्ती येथे बसला असेल तर त्याचे तोंड पूर्वेकडे किंवा उत्तरेकडे असावे.

– अनेक वेळा महिला दिवाणखान्याचे सौंदर्य वाढवण्यासाठी खोलीच्या मध्यभागी झुंबर लावतात. पण वास्तूनुसार एका झुंबराऐवजी दोन झुंबरे छताच्या मधोमध अशा प्रकारे ठेवावीत की मधली जागा रिकामी राहिल. यामुळे घरात सकारात्मक ऊर्जेचा प्रवाह वाढेल.

– लिव्हिंग रूममध्ये फुलांच्या सजावटीला विशेष महत्त्व आहे, येथे रंगीबेरंगी फुलांनी भरलेली फुलदाणी अशा प्रकारे सजवा की खोलीचे सौंदर्य वाढेल. हे काम तुम्ही कृत्रिम फुलांनी करू शकता, पण जर तुम्ही ताजी फुलं लावलीत तर लक्षात ठेवा की फुले कोमेजल्यानंतर बदला, नाहीतर सुकलेली फुलेही घरात नकारात्मकता आणतात.

– मुख्य प्रवेशद्वारावर मांगलिक तोरण अवश्य लावा. यामुळे घरात सकारात्मक ऊर्जा येण्यास मदत होते.

– फेंगशुईनुसार खोलीच्या उत्तर, पूर्वेकडे किंवा उत्तर-पूर्व दिशेला फिश टँकसारखे जलकुंभ असणे शुभ असते. तसेच घरातील आरोग्य आणि समृद्धीसाठी हे खूप चांगले असते.

– लिव्हिंग रूमसाठी आयताकृती किंवा चौरस रचना चांगली मानली जाते. यामुळे सकारात्मक ऊर्जा मिळते. जर खोलीचे डिझाइनिंग असे नसेल तर खोलीत सुंदर रोपे किंवा प्लांटर्स लावता येतात. यामुळे घरातील वातावरण सकारात्मकतेसोबत शुद्ध ही होईल.

– जमिनीवर छान कार्पेट सजवा. यामुळे खोलीचा लूक वाढेल आणि पाहुण्यांनाही खोली आकर्षक वाटेल.

घर, जागा, फर्निचर, इंटिरियर डिझाइन, रिअल इस्टेट आणि वास्तूशास्त्राविषयी अधिक जाणून घेण्यासाठी वाचत राहा aplijaga.com

Disclaimer: हा लेख केवळ माहितीच्या उद्देशाने दिला आहे. यातील संपूर्ण माहिती केवळ गृहीतकांवर आधारित आहे. यासाठी aplijaga.com जबाबदार नाही. aplijaga.com वर प्रकाशित लेखातील कोणत्याही विधानाची/माहितीची जबाबदारी स्वीकारत नाही. लेखातील गोष्टी अंमलात आणण्यापूर्वी संबंधित तज्ज्ञांचा सल्ला अवश्य घ्या.